ໄນກາດ

 

ໄນກາດ(Occlusal Splint) ເປັນເຄື່ອງມືທາງທັນຕະກຳຢ່າງໜື່ງ, ເຊິ່ງທ່ານໝໍໄດ້ສ້າງຂື້ນມາສະເພາະບຸກຄົນ , ເພື່ອບັນເທົາອາການເຈັບປວດ ຂອງຂໍ້ກະດູກຄາງກະໄຕແລະກ້າມເນື້ອບົດຄ້ຽວ ຫລື ຜູ້ທີ່ມີອາການນອນກັດແຂ້ວ

ຊະນິດຂອງໄນກາດ

• ໄນກາດຊະນິດອ່ອນ ( Soft Occlusal Splint) : ຜະລິດຈາກວັດສະດຸອ່ອນ, ເຮັດໄດ້ງ່າຍ

• ໄນກາດຊະນິດແຂງແຮງ ( Hard Occlusal Splint) : ເຮັດຈາກພັດສຕິກຊະນິດແຂງແຮງ

 

 

ຂັ້ນຕອນການເຮັດໄນກາດ

• ທ່ານຫມໍປະຕິບັດການກວດຊ່ອງປາກ, ກວດການສົບແຂ້ວ ແລະ ວາງແຜນການຮັກສາ.

• ການພິມແຂ້ວເພື່ອນຳໄປໃຊ້ໃນການເພື່ອເຮັດໄນກາດ

• ທ່ານໝໍຈະໃຫ້ຄຳແນະນຳໃນການໃສ່ອຸປະກອນ

 

 

ໄລຍະເວລາຂອງການເຮັດໄນກາດ

          ໄລຍະເວລາຂອງໄນກາດແມ່ນຂື້ນກັບປະເພດຂອງໄນກາດ,ເຊິງອາດຈະໄລຍະເວລາ 1-2 ອາທິດ.

 

 

ອາຍຸການໃຊ້ງານຂອງໄນກາດ

         ໄນກາດຊະນິດອ່ອນຈະມີອາຍຸຂອງການໃຊ້ງານເວລາບໍ່ດົນຫຼາຍ, ອຸປະກອນດັ່ງກ່າວສາມາດຈີກໄດ້ງ່າຍ. ສ່ວຍໄນກາດຊະນິດແຂງ ຈະມີອາຍຸໄດ້ດົນ , ເຊິ່ງຂື້ນກັບການເບິ່ງແຍງແຕ່ລະຄົນ

 

 

ການເບິ່ງແຍງການຮັກສາຫຼັງການໃສ່ໄນກາດ

• ທຳຄວາມສະອາດເຝືອກສົບແຂ້ວດ້ວຍແປງຖູແຂ້ວອ່ອນໆ

• ໃສ່ເຝືອກສົບແຂ້ວໃນຕອນກາງຄືນ ຫລື ຕາມທີ່ທ່ານໝໍແນະ ນຳ

• ກວດການສົບແຂ້ວຂອງຕົນເອງທຸກມື້

• ແນະນຳໃຫ້ໄປພົບທ່ານໝໍຕາມນັດໝາຍ ເພື່ອໃຫ້ໝໍກວດເບິ່ງອຸປະກອນຕ່າງໆ

 

 

 

ຄໍາຖາມທີ່ຖືກຖາມເລື້ອຍໆ

 

 

ໃຜແນ່ທີ່ຄວນໃສ່ໄນກາດ?

ຄົນທີ່ຄວນໃສ່ໄນກາດມີດັ່ງນີ້:

• ຄົນທີ່ມີນິດໄສການນອນກັດແຂ້ວ ໃນເວລາກາງເວັນ / ກາງຄືນ

• ຄົນທີ່ມີການໃຊ້ງານກ້າມເນື້ອບົດຄ້ຽວຫຼາຍກວ່າປົກກະຕິ

• ຄົນທີ່ມີອາການຕິດຄັດໃນເວລາອ້າປາກ ຫຼື ຫຸບປາກ

• ຄົນທີມີປັນຫາພາວະຂໍ້ເສື່ອມຂອງກະດູກຄາງກະໄຕ

 

 

ອາການເຕື່ອນນອນກັດແຂ້ວແມ່ນຫຍັງ?

ສັນຍານເຕືອນນອນກັດແຂ້ວ ແມ່ນມີດັ່ງນີ້:

• ມີອາການເຈັບບໍລິເວນແກ້ມ,ກະພຸ່ງແກ້ມ

• ກ້າມເນື້ອບົດຄ້ຽງມີອາກາດປວດ

• ມີສຽງດັງບໍລິເວນຂອງຂໍ້ຕໍ່ຄາງກະໄຕ

• ແຂ້ວຫຼືວັດສະດຸອັດແຂ້ວມີການສືກ ຫຼື ມີຮອຍແຕກ

 

 

ຖ້ານອນກັດແຕ່ບໍ່ຕ້ອງການໃສ່ໄນກາດ, ຈະສົ່ງຜົນເສຍແນວໃດ?

ຖ້າຫາກວ່ານອນກັດແຂ້ວແຕ່ບໍ່ຢາກໃສ່ໄນກາດ, ຈະເຮັດໃຫ້ເກີດຜົນເສຍໃນການປວດຂໍ້ຕໍ່ ຂອງຄາງກະໄຕ. ກ້າມເນື້ອບົດຄ້ຽວ ອາດຈະເຮັດໃຫ້ເກີດແຂ້ວແຕກ ແລະ ມີບັນຫາໃນຊ່ອງປາກຕາມມາໄດ້.