ເປັນຫຍັງຕ້ອງອັດແຂ້ວ
ການອັດແຂ້ວແມ່ນການບູລະນະແຂ້ວທີ່ເສຍຫາຍຈາກແຂ້ວແມງໃຫ້ກັບມາເຮັດໜ້າທີ່ໄດ້ຕາມປົກກະຕິ ແລະ ມີຮູບຮ່າງຄືເກົ່າ ໃນຂະນະດຽວກັນກໍ່ຊ່ວຍບໍ່ໃຫ້ເກີດແຂ້ວແມງເພີ່ມຂື້ນອີກດ້ວຍ ໂດຍຈະເປັນການກໍໃນບໍລິເວນທີ່ເປັນແມງອອກແລ້ວເຮັດການອັດໃໝ່ດ້ວຍວັດສະດູທາງທັນຕະກຳ
 |
ສະນິດວັດສະດຸອັດແຂ້ວ
-
ວັດສະດຸຂອງອາມັນກຳ :ມີສີເງິນ, ມີຄວາມແຂງແຮງ, ທົນທານ, ມັກໃຊ້ອັດແຂ້ວກາມ (ແຂ້ວທາງໃນ)
-
ວັດສະດຸຂອງຄອມພູສິດ : ສີຄ້າຍຄືແຂ້ວ ໃຫ້ຄວາມສວຍງາມງາມແບບທຳມະຊາດ ມັກໃຊ້ອັດແຂ້ວດ້ານໜ້າ.
ຂັ້ນຕອນການອັດແຂ້ວ
-
ໝໍກວດ ແລະປະເມີນແຂ້ວ. ອາດຈະມີ X-ray ນຳ
-
ທ່ານໝໍຈະມີການໃຊ້ຢາຊາ ໃນກໍລະນີທີ່ຄົນເຈັບມີຄວາມຢ້ານກົວ ຫຼືມີບັນຫາເປັນແຂ້ວແມງເລິກ
-
ທ່ານໝໍກໍແຂ້ວເພື່ອນຳເນື້ອແຂ້ວສ່ວນທີ່ເປັນແມງທີ່ມີການຕິດເຊື້ອອອກ
-
ທ່ານໝໍຕົກແຕ່ງແຂ້ວທີ່ເປັນແມງເພື່ອກຽມການອັດແຂ້ວ
-
ທ່ານໝໍອັດແຂ້ວດ້ວຍວັດສະດຸອັດແຂ້ວ.
-
ທ່ານໝໍຈະຕົກແຕ່ງຜິວແຂ້ວໃຫ້ລຽບກ້ຽງແລະມີການທົດສອບໂດຍການກັດ ຫຼືລອງຄ້ຽວ
ໄລຍະເວລາໃນການອັດແຂ້ວ
ການອັດແຂ້ວໃຊ້ໄລຍະເວລາປະມານ 1-2 ຊົ່ວໂມງ, ຂື້ນກັບຄວາມຍາກງ່າຍຂອງແຕ່ລະບຸກຄົນ.
ອາຍູການໃຊ້ງານຂອງການອັດແຂ້ວ
ອາຍູການໃຊ້ງານຂອງການອັດແຂ້ວຂື້ນຢູ່ກັບການເບບເບິ່ງແຍ່ງຮັກສາ
ການເບິ່ງແຍ່ງຮັກສາຫຼັງຈາກການອັດແຂ້ວ
-
ຫາກທ່ານອັດແຂ້ວທາງໜ້າ, ບໍ່ຄວນໃຊ້ແຂ້ວທາງໜ້າກັດຫຼືຊີກອາຫານທີ່ມີລັກສະນະແຂງ ເພາະມັນອາດຈະເຮັດໃຫ້ວັດສະດຸແຕກໄດ້ ແລະອາດຈະແຜ່ລາມໄປສູ່ເນື້ອແຂ້ວທີ່ດີໄດ້
-
ເຮັດຄວາມສະອາດແຂ້ວໂດຍການຖູແຂ້ວ ຮ່ວມກັນກັບການນຳໃຊ້ໃຫມຂັດແຂ້ວແລະນ້ຳຢາບ້ວນປາກ
-
ໄປຫາໝໍປົວແຂ້ວທຸກໆ 6 ເດືອນເພື່ອກວດເບິ່ງສະພາບຂອງວັດສະດຸທີ່ອັດໄປ ແລະກວດເບິ່ງສະພາບຂອງປາກ.
ຄໍາຖາມທີ່ຖືກຖາມເລື່ອຍໆ
ສັນຍານເຕືອນໄພສຳລັບແຂ້ວແມງມີຫຍັງແດ່ ?
ສັນຍານເຕືອນໄພສຳລັບແຂ້ວແມງມີດັ່ງນີ້
-
ເຈັບແຂ້ວຫຼືເຫງືອກ
-
ມີອາການເຫືອກບວມ
-
ມີກິ່ນປາກ ຫຼືໄດ້ລົດຊາດບໍ່ດີໃນປາກ
-
ມີອາການສ້ຽວແຂ້ວ
: ເມື່ອອັດແຂ້ວແລ້ວຈະໃສ່ລີເທນເນີ ຫຼື ແຂ້ວປອມໄດ້ບໍ່ ?
ສຳລັບຜູ້ທີ່ໃສ່ລີເທນເນີ ຫລືແຂ້ວປອມກ່ອນອັດແຂ້ວແນະນຳໃຫ້ເອົາອຸປະກອນດັ່ງກ່າວມານຳ ເພື່ອຈະໄດ້ທົດລອງໃສ່ຫຼັງອັດແຂ້ວແລ້ວ
ຖ້າຫາກໃສ່ອຸປະກອນດັ່ງກ່າວບໍ່ໄດ້ທາງທ່ານໝໍຈະເຮັດການກໍແລະຕົກແຕ່ງແຂ້ວເພີ່ມເຕີ່ມໃຫ້ສາມາດໃສ່ໄດ້ປົກກະຕິ